Var að senda bréf

Ég var að senda bréf á FME, læt það fylgja hér með.

 Af gefnu tilefni vill ég fara fram á það að þið hefjið húsrannsókn hjá þeim fyrirtækjum sem mest voru áberandi við lánveitingu á svokölluðum gengistryggðum lánum á árunum eftir 2001.

Það sem þarf að rannsaka er meðal annars hvort og þá hvenær stjórnendur og starfsmenn þessara fyrirtækja gerðu sér grein fyrir að lán þessi væru ekki lögleg en eins og komið hefur fram þá gerðu Samtök fjármálafyrirtækja athugasemdir við löginn á sínum tíma en það bendir til þess að þau hafi gert sér fulla grein fyrir því að lagalegur grunnur þessara lána hafi ekki verið alveg traustur.

Í ljósi frétta þá þarf einnig að skoða hvernig staðið hefur verið að vörslusviptingum þegar fyrirtækin töldu vanskil vera á lánunum og hvort alltaf hafi verið farið eftir lögum í þeim aðgerðum, sértaklega þarf að athuga þátt fyrirtækissins Vörslusviptingar og hvort starfsemi þess standist lög.

Ennfremur þarf að fara vandlega yfir það hvernig fyrirtækin hafa staðið að uppgjöri við viðskiptavini sína eftir að vörslusvipting

hafði átt sér stað en eins og marg oft hefur komið fram þá hafa fyrirtækin gjarnan rukkað viðskiptavini sína um ýmsan kostnað sem virðist lítil stoð hafa verið fyrir. *1

Ransaka þarf sérstaklega hvort verðmat þeirra á bifreiðum hafi verið í einhverju samhengi við endanlegt söluverð og hvort þau hafi stolið þeim mismun af viðskiptavinum sínum.

Einnig þarf að skoða sérstaklega hvort þeir reikningar sem vitnað er til í lánasamningum hafi verið gefnir út og hvort greiddur hafi verið löggildur virðisaukaskattur, sjálfur hef ég ekki getað fengið afrit af þeim reikning sem nefndur er sem fylgiskjal á mínum samning þrátt fyrir ítrekaðar beiðnir þess efnis.

Sem borgari þessa lands þá krefst ég þess að þessi rannsókn fari fram fyrr en síðar.

Ef af einhverjum ástæðum þið sjáið ekki ástæðu til að fara í þessa rannsókn fer ég fram á að fá rökstudda skýringu á því af hverju þið teljið slíka rannsókn ekki nauðsynlega.

Ef þið teljið þetta ekki í ykkar verkahring fer ég fram á að þið látið mig vita í hvers verkahring rannsókn sem þessi er.

Ef þið teljið efni þessa bréfs ekki nægjanlega skýrt eða ef þið viljið frekari upplýsingar þá er ykkur velkomið að hafa samband við mig, ég mun láta símanúmerið mitt fylgja með.

Samrit af þessu bréfi verður sent á Benedikt Stefánsson aðstoðarmann efnahags- og viðskiptaráðherra þar sem netfang ráðherrans er ekki gefið upp á síðu ráðuneytisins.

Kær kveðja

Sigurður Ingi Kjartansson

Hrísrimi 2

112 Reykjavík

Sími 660 2750

*1 http://www.dv.is/frettir/2010/6/30/sp-fjarmognun-braut-eigin-skilmala/

 Það er aldrei að vita nema ég láti svarið fylgja með þegar ég fæ það.

Hver borgar hvað?

Gott og vel þeir segja að þetta setji bankakerfið á hausinn og þetta lendi allt á okkur almenningi,ekki væri það nú gott.

samkvæmt Viðskiptablaðinu eru þetta 100 milljarðar.

Skuldir Kjalars (Samskip) við Arion banka voru afskrifaðar  í febrúar það voru samtals 88 milljarðar, þá var það aftur á móti þannig að okkur kom þetta ekki við, þetta mundi ekki lenda á almenningi heldur erlendum kröfuhöfum, ekkert herðist frá seðlabanka eða ráðherra varðandi það mál, ekki frekar enn aðrar afskriftir í bankakerfinu sem snúa að útrásarvíkingum (t.d. 50 milljarðar hjá Högum), þó erum við samtals að tala um margfalt hærri upphæðir.

Getur einhver útskýrt fyrir mér hvers vegna afskriftir á skuldum útrásavíkinga lenda alltaf á einhverjum ótilgreindum erlendu kröfuhöfum (svo mér kemur það ekki við) og hafa því sára líti áhrif á efnahagskerfið en afskriftir á skuldum almennings lenda undantekningarlaust á mér og hafa gífurlega alvarleg árhrif á efnahag landsins.

Minni líka á í þessu samhengi að hagnaður stóru bankana þriggja árið 2009 í bullandi kreppu og þrátt fyrir gífurlegar afskriftir var rétt um 48 milljarðar.

 

Þessir menn eru í mínum eyrum með stríðsyfirlýsingu á hendur almenning.

Í þágu almannahagsmuna

Setjum þetta í samhengi

Það má vel vera að þetta sé há upphæð, hún hljómar allavegana þannig í eyrum okkar almúgans.

En reynum að setja þetta í smá samhengi, skoðum t.d. hver hagnaður bankanna var á síðasta ári í bullandi kreppu.

Landsbankinn 14 milljarðar

Íslandsbanki 24 milljarðar

Arion 13 miljarðar

Þetta er eins og ég sagði í bullandi kreppu meðan eigur almenning brenna upp.

Samtals gerir þetta 48 milljarða og það er bara á einu ári, þessi lán voru til margra ára svo kostnaðurinn mun dreifast en ekki falla á bankanna á einu ári.

Held við getum alveg sætt okkur við það að fjármálafyrirtækin hagnist aðeins minna.

 

Afnám gengistryggingar kostar 100 milljarða

Er ekki verið að grínast?

Burt séð frá þeirri augljósu vanhæfni sem sýslumaður sýnir með að vera í röngu bæjarfélagi þá verð ég að setja stórt spurningamerki við það að hægt sé að selja hús ofan af fólki vegna vangoldinna leyfisgjalda á hundi á sama tíma og ekki er hægt að ganga að eigum ýmissa yfirmanna í bankakerfinu þar sem viðkomandi eignir eru ekki sérstaklega tilgreindar sem veð fyrir þeir ofurlánum sem þeir skulda.

Er það bara vitleysa í mér eða gilda tvö lög í þessu landi?

Kæri Mörður

Þetta er einfalt, til að þú skiljir stöðu neytenda skulum við taka annað dæmi.

Verslun A selur myndavélar, hvert stk kostar 100.000.- með vélinni er lögbundinn tveggja ára ábyrgð.

Verslun B byrjar að selja sömu myndavél á 80.000.- hann nær að hafa vélinna ódýrari þar sem hann býður bara eins árs ábyrgð og sú staðreynd kemur fram á nótu þegar vélin er keypt. 

Nú fer einn af viðskiptavinum Verslunar B í mál og krefst 2 ára ábyrgðar á sinni vél eins og lög gera ráð fyrir, þar sem lög eru þannig á Verslun B má ekki láta viðskipta vin sinn skrifa uppá skilmála sem minnka rétt hans þá er Verslun B dæmt til að virða tveggja ára ábyrgð.

Villt þú semsagt að viðskiptavinurinn sé látinn borga mismuninn á verðinu hjá verslununum til að gæta þess að hann njóti ekki betri kjara en viðskiptavinir Verslunar A?

Á að bæta Verslun B upp tjónið sem hún varð fyrir við að geta ekki brotið á viðskiptavinum.

Er ekki tímabært hjá þér að skoða þetta betur.

Vill verðtryggingu á lánin

Fölsk frétt.

Þetta er í raun ómarktækt því eins og kemur fram í fréttinni þá eru sérblöð ekki tekinn með en Samfylkingin fékk ein flokka 8 síðna "aukablað" með Fréttablaðinnu þann 26 maí undir tittlinum "Vekjum Reykjavík" og fyrir neðan "Málgagn Samfylkingarinnar í Reykjavík"

Ef einhverjum tekst að sýna fram á að þetta sé ekki auglýsing þá skal ég hundur heita.

Hér má skoða þetta aukablað

Nokkuð viss um að andvirði svona auglýsingar er vel yfir miljónina hvort sem þeirr greiddu fyrir það með peningum eða fengu það sem styrk frá Jóni og félögum hjá 365 (sem svo aftur vekur upp spurninguna hvort mikið sé um svona falda styrki)

það mætti alveg eins undaskilja sjónvarpsauglýsingar.

Verð að viðurkenna að þetta eru mjög léleg vinnubrögð hjá vinum mínum og fyrrum starfsfélögum í Creditinfo.

 

 

Sjálfstæðisflokkurinn greiddi mest

VG sjálfir á lægsta mögulega plani.

Það má vel vera að veigið hafi verið að persónu hennar Sóleyjar í þessari kosningabaráttu, um það get ég ekki dæmt þar sem ég veit ekki hvaða ummæli hún er að tala um.

Hitt er svo annað mál að flokkur hennar sýndi ekki af sér mikið siðgæðisþreki í þessari baráttu og að mínu mati er auglýsingin hér að neðan líklega versta dæmið sem til er um að leggjast lágt í kosningabaráttu.   

Sóley ætti kanski að byrja að hreinsa til í eiginn flokki.

Kannar réttarstöðu sína