Tilviljanir

Það er skemmtileg tilviljun að allir þurfi að hækka matarverðið svona rétt fyrir lækkun matarskattsins, það er ekki einusinni að menn reyni að fela það að þeir ætli að stela lækunninni af okkur neytendum enda vita þeir sem er að við getum ekki verslað neinsstaðar annarstaðar og ekki erum við íslenskir neytendur beinlínis frægir fyrir að mótmæla á neinn áhrifaríkan hátt.

Kanski ég bara hætti að kaupa brauð frá myllunni til að mótmæla og kaupi bara samsölu brauð, nei það gengur líklega ekki upp þar sem Myllan er búinn að kaupa Samsölu brauð.

Jæja ég hætti þá bara að kaupa Frón kex og kaupi bara kex frá Kexverksmiðjunni, nei það gengur ekki heldur ÍsAm á víst báðar Kexverksmiðjurnar.

Kanski er það þarna sem hundurinn liggur grafinn?

Birta lista yfir verðhækkanir heildsala og framleiðenda

Óánægjufylgi?

Ég held að þessi fylgisaukning hjá VG og Mislyndaflokknum endurspegli aðalega óánægju fólks með stóru flokkana (S og D) frekar en einhverja brjálaða hamingju með stefnu VG og Frjálslyndra. Staðreyndin er að margir eru orðnir þreyttir á stefnuleysi Samfylkingarinnar eða eigum við að segja hentistefnu þeirra og treystir forystu þeirra ekki til að leiða svo mikið sem skátafélag og hvað þá ríkistjórn og sá hópur velur þess vegna frekar að kjósa Vinstri græna sem þrátt fyrir allt hafa verið nokkuð trúir sinni stefnu.
Svo er hinn hópurinn sem er búinn að átta sig á því að þrátt fyrir að núverandi ríkisstjórn sé búinn að gera marga ágæta hluti þá er hún engu að síður að fara með okkur í öngstræti með t.d. stefnu í vaxtamálum og fleiru, við erum nefnilega að verða kominn í þá stöðu að venjulegt fólk á sífellt erfiðara með að láta enda ná samann þrátt fyrir allt tal um aukinn kaupmátt, ætli þessi aukni kaupmáttur fari ekki bara allur í að borga okurvexti af allt of háum húsnæðislánum?

Þetta var bara svona smá pælingar.

Fylgi VG og Frjálslyndra eykst samkvæmt skoðanakönnun

Fyrsta bloggfærsla

Það er aldrei að vita nema ég eigi eftir að gefa mér tíma til að blogga eitthvað hérna um það sem mér liggur á hjarta hverju sinni, það verður bara að koma í ljós hversu duglegur ég á eftir að vera.