Laun bankamanna

Menn bera því gjarnan við þegar kvartað er yfir háum launum stjórnenda bankanna að það þurfi að borga þeim há laun til að fá hæfa menn í starfið, við sáum hvernig það endaði síðast.
Ég held að það væri reynandi að ráða bankastjóra sem væru tilbúnir að vinna þetta starf á eðlilegri launum, ég tel að það auki verulega líkurnar á að við fáum stjórnendur sem ekki stjórnast af græðgi en slíkir menn gætu verið verðmætir fyrir bæði bankana og viðskiptavinina.
Að auki set ég stórt spurningamerki við þá kenningu að íslenskir bankamenn gætu farið í stórum stíl að vinna hjá erlendum bankastofnunum, sé ekki fyrir mér að það sé mikill markaður fyrir "tæra snilld" íslenskra bankamanna í útlöndum.

Ótrúlegar fréttir af launum

Ömurlegasti málflutningur sem ég heyri

Steingrímur segist vera efinns um að hann væri hlyntur því að þetta færi í þjóðarathvæði ef hann væri í stjórnarandstöðu, ég er aftur á móti viss um að hann væri hlyntur þjóðarathvæði undir slíkum aðstæðum því til sönnunar vitna ég í hans eiginn orð

"Treystum við ekki þjóðinni? Ekki getur það verið vandinn að nokkrum manni í þessum sal, þingræðissinna, detti í hug að þjóðin sé ekki fullfær um að meta þetta mál sjálf og kjósa um það samhliða því að hún kýs sér þingmenn. Stundum heyrist að vísu einstaka hjáróma rödd um að sum mál séu svo flókin að þau henti ekki í þjóðaratkvæði. Það er einhver allra ömurlegasti málflutningur sem ég heyri." 

Þetta sagði þessi sami Steingrímur þegar hann var í stjórnaradstöðu 2003 

Icesave-málið ekki það stórt

Góð hugmynd

Þetta er mjög góð hugmynd og og með þessu fæst hámarksnýting á skattfé.

Þess má geta að ég stakk uppá þessu hér á þessu bloggi 2009. 

Vinnubúðir verði fangelsi

Myndbirting

Hvenær er myndbirting réttlætanleg og hvenær ekki? Kona rænir Stundents- og skírnargjöf af manni í Kringlunni, það næst á mynd en það má ekki birta myndirnar, persónuvernd segir Geir Jón og brosir.

Misheppnaðir aumingjar gera frekar kjánalega tilraun til að ræna banka og nokkrum mínútum síðar eru myndir af þeim birtar í öllum fjölmiðlum, hvar er núna persónuverndin?

 Getur verið að það sé réttlætanlegra að birta myndir af þeim sem ráðast á kerfið en af þeim sem ráðast á einstaklinga?

Eru bankar rétthærri en einstaklingar? 

Það er eitthvað mikið rangt við þetta! 

 

Leita bankaræningja á Facebook

Gefum þeim vinnufrið

Það er nauðsyn á erfiðum tímum eins og núna að passa að menn séu ekki að gagnrýna Ríkistjórnina eða aðra ráðamenn, því er fullkomlega eðlilegt að beita lögreglunni á þá sem það gera til að tryggja vinnufrið fyrir Jóhönnu og co.

 Við megum ekki gleyma því að þau eru að vinna alveg gríðarlega erfitt starf og eru því yfir alla gagnrýni hafin, enn eiga þau nokkra vini sem ekki eru kominn í öruggt starf hjá ríkinu og svo þarf að passa að bankarnir tapi ekki aftur þeim peningum sem þeir hafa stolið af almenningi því þá gætu þeir þurft að rukka vini sína um þá peninga sem þeir lánuðu þeim.

 

Yfirheyrður vegna Facebookfærslu

44,5 stundir

Er það rétt reiknað hjá mér að miðað við 200 slög á mínútu þá hafi það tekið 44,5 klukkustundir að slá þetta orð inn á síðasta ári?

Orðið „Icesave” skrifað 76.427 sinnum í fyrra

Af fjármálavitleysingum.

Þegar ég tók mitt lán til bílakaupa* 2007 leit bankinn svo á (kannski með réttu) að ég væri vitleysingur í fjármálum sem hefði freka lítinn skilning á lánamálum, þess vegna lét bankinn mig skrifa undir svokallaða greiðsluáætlun til að ég gæti sannað að ég hefði skilning á því hversu mikið ég þyrfti að borga um hver mánaðamót.

Ég sé mest eftir því að hafa ekki látið bankann líka skrifa undir þessa áætlun til þess að hann gæti sýnt fram á að þetta væri sú uppæð sem ég væri tilbúinn að borga um hver mánaðamót.

*Svona bara svo það komi fram þá var ekki um að ræða 7 milljón króna Range Rover á 100% lánum heldur var einungis tekinn að láni 1 milljón  til að kaupa 2,5 milljón króna öruggan, skynsaman og góðan bíl til að koma fjölskyldumeðlimum milli staða.

„Svona er bara lífsins gangur“

Gaman að þessu

Ég hef alltaf gaman af svona "gagnlausum" upplýsingum.

Spurning hvort eitthvað sé hægt að lesa í það að 666 eigi afmæli á jóladag?

 

Svo er líka gaman að skoða á vef Hagstofunar hvað maður á marga nafna.

Anna og Alexander algengust

íslensk nöfn

Þrátt fyrir mannanafnanefnd þá eru sumir íslenskir foreldrar ekkert skárri, hér eru nokkur nöfn sem íslenskir foreldrar hafa troðið á börn sín:

Bjartur Máni
Bjartur Logi
Agnar Smári
Erlendur Karl
Helgi Dagur
Bjartur Dagur
Bjartur Eldur
Helga Nótt
Leifur Arnar

Ég held reyndar að það gæti verið að þeir sem bera nafnið Erlendur Karl séu útlendingar sem hafi tekið upp þetta nafn á þeim tíma þegar aðflutt fólk var þvingað til að taka upp íslensk nöfn. 
Nú ef fólk vill feta í fótspor þessara foreldra þá eru hér nokkur nöfn sem ekki hafa verið notuð ennþá: 

Brandur Ari
Eilífur Eldur
Hreinn Sveinn
Linus Gauti
Mist Eik
Ævar Eiður
Ljótur Drengur
Annar Mars 

 

Hvernig er hægt að skíra barnið sitt þetta?

skömm að þessu

Það er hrein skömm að þessu, það er held ég eðlileg krafa að ráðamenn skýri út fyrir okkur hvaða ástæður lágu að baki þeirri ákvörðun að sitja hjá við afgreiðslu svo mikilvægs réttlætismáls.

Ég er voða hræddur um að hér hafi verið í gangi hefðbundinn hagsmunagæsla.

Ísland sat hjá á þingi SÞ